4th Febuary, 2018 (Sunday)

1 Corinthians 2:10-16 Keini erawh chu chung chu Pathianin Thlarauvin min hriattir ta a ni; Thlarau chuan engkim a chhui chhuak si thin; a ni. Pathian thu ril pawh. Mihring thute chu mihring rilru, a chhunga awm vek lo chuan mihring zingah tuin nge hria ang? Chutiang bawkin Pathian thute chu Pathian Thlarau vek lo chuan tuman an hre lo. Chutichuan athlawna Pathianin thil min pekte chu kan hriat theihna turin, keini zawngin khawvel thlarau ni lovin, Thlarau, Pathian hnena mi chu kan hmu zawk a ni. Mihring finna zirtir thua sawi lovin, Thlarau zirtir thua sawi zawkin, Thlarau lam thute chu thlarau lam mite hnena hrilhfiahin, chung thil min pek thute pawh chu kan sawi thin. Khawvel mi chuan Pathian Thlarau lam thilte chu a lawm thin lo, ani ngaih chuan atthlak a ni si a; Thlarauva hriat fiah a nih avangin a hre thei lo reng reng bawk a ni. Thlarau mi erawh chuan thil engkim a hre fiah thin a, ani lah chu tuman an hre fiah si lo. Tuin nge Lalpa rilru hre tawha amah chu zirtir thei ang? Keini erawh chuan Krista rilru kan pu a ni.

31st January, 2018 Wednesday zan Tahan centre, TNT.

31st January, 2018 (Wednesday)

Tun thla chu kan lo hmang zo ta rent mai. Tahan lam pawh a vawt chho zela, Zingkar lam leh zan boruak pawh a dan  a dang ta khawp mai. Kei pawh centre bul hnai ah huan kan siam ah ka buai've hle a ni. Tunah hian thlai chi hrang hrang chingin, kan thlai phun sawnte pawh an nung tha khawp a ni. Kum bul atangin Lalpan min kai hruaiin, lawm loh chang nei thinin, rilru hreawm thin mahse, engkimah lungawina tur atan Isua nun min pe tawh chu hmang mai tur tih hriattirtu Thlarau huan min hriattirin, chu chu hmang turin kan chhunga awm reng chuan ka nunah hna a rawn thawk thin. 

Tha tak leh hrisel takin tun January chu ka lo hmang zo 've ta reng mai. Jan nuary ni 31 zan thlalak.  

TAHAN PHAI ZAWLAH

ENGKIMAH ISUA NEN 

26th January, 2018 (Friday)
Zingkar atangin kan huan siamah hun hmangin, centre a awmte chaw hmeh tur Antam kan suat a, a nuam khawp mai.
Bible chang thlan.

Philippi 4:11-13
Ka tlakchham thu sawi zawng ka ni lo ve; kei zawng eng ang pawhin awm mah ila, lungawi zel ka ching tawh si a. Tlawm taka awm dan ka thiam a, hausaa awm dan pawh ka thiam bawk a; thil tinrengah leh thil zawng zawngah tlai leh riltama awm dan, hausa leh tlachhama awm dan thuruk chu ka hre chhuak tawh. Mi tichaktu Krista-ah chuan engkim ka ti thei a ni.

TAHAN CENTRE CAMPERS ROOM KAWT TUI PEK LAI.

WORK CAMP TAHAN THLEN CHHO HLIM.

Vela, Lalrinenga, Keimah. 

SUNDAY. HUN HMAN DAN

21st January, 2018 (Sunday)

Tun chawlhni (sunday) khan chhun inkhawmah thu sawi na neiin, tlai lamah Aizawl atanga in volunteerte leh Leader thenkhatte nen Kalay City chhunga hmun pawimawh leh lar te kan thlawh a, a nuam khawp mai. Kalay University compound chhungahte thla lain hun kan hmang a ni. Tin, hmun pakhat Golf an khelhna hmunah te kalin, an golf khel laite kan hmu a, kei phei chu an khel hi a hmunah ka vawi khat hmuhna a ni. 

Haw dawnah restaurants ah chawlin, chumi zawhah kawlpui lamah lukhum parh leiin chumi hnu chuan  centre lam kan haw phei nghal a ni.

Add caption

LALPA KA LAWM E.

KA FANU RACHEL. LALHRIATPUII BACK STANDING

Sam 117:1-2
 Aw hnam tinrengte u, LALPA chu fak ula; Mi tinrengte u, amah chu fak rawh u. A ngilneihna chu kan chungah a nasain, LALPA thutak chu kumkhuain a awm dawn si a. LALPA chu fak rawh u.

JANUARY. HMLAKNATE

20th January, 2018 ( Sat)

Hmalakna hrang hrangte hmachhawnin vawiin lam chu kan tul tlang hlawm hle a ni. Thanrehlova Pahuan i/c hovin Antam leh kawl bahra chinna hmun turte buaipuiin an tul khawp a ni. K. Laldinthara (Financial secretary, Secretay)  hovin thingphun hungin an tul hle bawk.

Security leader Manuna hovin choka extendna tur lung an rem bawk a ni.

Lung rem Choka extendna tur. 

Kan godown tura kan tih chu mihring kan tam tawh deuh avangin, senior room tur atan buatsaih mek a ni bawk. Pu. Muanpuia hovin fencing tur lung an lo rem bawk a ni.